Etiqueta: 3C

NO PLASTIC NO PROBLEMS II

Astigarragako udalari bidalitako gutuna:

Izaskun agurgarria,

Gu Arantzazuko Amako 3.mailako ikasleak gara. Aurten ere Ekofish-en laguntzarekin plastikoaren erabileraren inguruko proiektu batean gabiltza.

Gure ideia honako hau da:

Plastikoaren gehiegizko erabilera ikusita arazo bat dagoela konturatu gara eta neurriak hartu nahi ditugu. Astigarragako denda batean xaboiaren dispentsadore moduko bat jartzea da gure proposamena, granel moduan. Horrela, jaboien edukiontzi asko murriztuko genituzke, eta bakoitzak bere etxekoa eraman beharko luke betetzeko.

Denda aproposenaren bila gabiltza oraindik.

Eskertuko genuke proiektuaren iritzia gurekin partekatzea.

Zuen erantzunaren zain,

Mila esker.

CHILDREN PLASTIC GAME 2

Lehengo egunean esan genizuen LH4-koekin egingo genuela baina arazo batzuk sortu dira eta horren ondorioz LH3-ko ikasleekin egingo dugu.

Berriro elkartu gara LH-ko zuzendaritza taldearekin eta data zehaztu dugu. Hitzaldi txiki bat egingo dugu ekainak 13an beraiekin, horrela gaiari buruz jakingo dute ikasleek. Ekainak 14-ean ginkana egingo dugu, horretarako jolasak prestatuko ditugu.

Aurkezpen bat egin dugu jolasak nola egingo ditugun azaltzeko.

CHILDREN PLASTIC GAME I

Kaixo gu Arantzazuko Ama ikastolako BHI-ko 3C-ko Andrea, Ekaitz, Oier, Imanol eta Naiara gara. Aurten ere, ekofish proiektuan ari gara lanean eta itsas hondakinak nola murriztu arazoari aurre egiteko zer egin pentsatzen aritu gara.

Proiektua gogoz hartu dugu. Hasieran plastikozko poltsak debekatzea pentsatu genuen baina hori ez dago gure esku.

Gero, plastikozko poltsen ordez oihalezkoak saltzea erabaki genuen, baina antzerako zerbait eginda zegoenez baztertu genuen.

Beraz haurrekin oso ondo pasatzen dugunez, beraiekin jolas batzuk egitea (LHkoekin) bururatu zitzaigun.

Horretarako LHko zuzendaritza taldekoekin bilera bat adostu genuen. Power point bat prestatu genuen, beraiei jolasak erakusteko eta horrela ze mailarekin egin eta data zehaztu ahal izateko.

Bilera aurretik LH6-koekin egitea zen gure ideia, baina beraiek txikiagoekin egitea proposatu ziguten. Beraiei ideia ere asko gustatu zitzaien, baina jolas desberdinak egin beharrean froga galderak eta jolasak tartekatuz ginkana moduko bat egitea erabaki genuen.

Beraz hori izango da gure proiektua: LH4-koekin

Facebook
Facebook
Instagram
YouTube
YouTube